Бүгүн Жалал-Абад шаарынын Сот адилеттик үйүнүн имаратында Жалал-Абад облустук сотунун судьялары тарабынан райондук жана шаардык судьяларына семинар өткөрдү.

Семинардын жүрүшүндө: облустук сотунун судьялары тарабынан, биринчи инстанциядагы сотто сот өндүрүшүнүн көйгөйлөрү, мурас талаштар, алименттин өлчөмүн азайтуу, мурасты кабыл алуу жөнүндө арыз берүү үчүн кошумча мөөнөт берүү, салык карыздарын өндүрүү, мамлекеттик алым, бүтүмдөрдүн жараксыздыгы боюнча темалары боюнча баяндама жасашты

Аталган категориядагы иштер боюнча бир түрдүү соттук тажрыйбаны талкуулоо жана иштеп чыгуу максатында райондук жана шаардык соттордун судьяларынын айрым каталарын көрсөтүү менен, жалпылоо жүргүзүлдү.

Анын жыйынтыгы боюнча аталган багыттар боюнча учурдагы соттук тажрыйба талкууланып, судьялардын пикирлери угулуп, жана иштерди кароодо жетекчилик кылуу үчүн бирдиктүү практика иштелип чыкты.