Жалал-Абад облустук сотунун жыйындар залында Кыргыз Республикасынын Көз карандысыздык күнүнө карата сот тутумунун кызматкерлеринин сыйлоо аземи болуп өттү.

Жыйынга Жалал-Абад облустук сотунун төрагасы, областтык соттун судьялары жана аппарат кызматкерлери катышышты.

Төрага Каныбек Токтосун уулу иш чараны ачып, сот тутумун кызматкерлерин  Кыргыз Республикасынын Көз карандысыздык күнү менен куттуктады.

Ошондой эле, иш чарага конок катары катышып жаткан Пробация департаментинин Жалал-Абад облусу боюнча башкармалыгынын жетекчиси Уларбек Эшалиев төрага Каныбек Токтосун уулуна Жалал-Абад облусунда пробация департаменти менен кызматташкандыгы үчүн жана иштөөсүнө олуттуу салымын кошкондугу үчүн Кыргыз Республикасынын Юстиция министрлигинин медалы төш белгисин тапшырды, Ошондой эле төрага Каныбек Токтосун уулу Жалал-Абад облусунун мамлекеттик мекемелердин жетекчилеринин куттуктоолорун билдирип жана алар тарабынан бир катар судьяларды жана сот аппарат кызматкерлерин Ардак грамота жана алкыш барактары менен сыйлады.