Жалал-Абад облустук сотуна жаңы судьялар дайындалды

Бүгүн 1-апрель күнү Жалал-Абад облустук сот адилеттик үйүнүн жыйындар залында облустук сотунун төрайымы Жыпар Сабырова облустук сотуна которулуп келген судьяларды Жалал-Абад облустук сотунун судьялары жана аппарат кызматкерлерине тааныштырды.

Жыйында төрайымы Жыпар Сабырова Кыргыз Республикасынын Президентинин “Кыргыз Республикасынын жергиликтүү сотторунун айрым судьяларын которуу жөнүндө” жарлыгы менен жана Кыргыз Республикасынын Жогорку сотунун төрагасы Медербек Сатыевдин буйругу менен өзү Жалал-Абад облустук сотунун төрайымы болуп 5 (беш) жылдык мөөнөткө дайындалгандыгын билдирип, кесиптештери менен саламдашып, мындан ары биргеликте алгылыктуу иш алып барууга бел байлап, сот адилеттигин орнотууга бардык күч аракетин жумшай тургандыгын белгилеп өттү.

Ошондой эле кылмыш иштери жана укук бузуулар жөнүндө иштер боюнча төраганын орун басары болуп Медел Султаналиев, Жарандык жана экономикалык иштер боюнча орун басары болуп Космира Джусупбекова жана Женишбек уулу Жолдошбек, Азамат Узакбаев, Асанбек Тойгонбаевдер облустук сотуна судья катары которушкандыгын билдирди.

Сот адилеттигин кынтыксыз жүзөгө ашыруусун камсыздоо үчүн аппарат кызматкерлери судьяларга мыйзамда каралган толук шарттарды түзүү менен көмөк көрсөтүүгө чакырып, которулуп келген судьяларга жооптуу жана татаал кызматтык ишмердүүлүгүндө ийгиликтерди каалады.