Студенттердин өлкөбүздүн сот тутуму туурасында маалыматтуулугун жогорулатуу боюнча практикалык түшүнүк берүү максатында  Жалал-Абад облустук сот Адилеттик үйүнө студенттерге Ачык эшиктер күнүн өткөрдү.

Иш чарага Жалал-Абад шаарындагы Жалал-Абад гуманитардык-педагогикалык колледжинин Укук таануу багытында окуган 3-курсунун студенттери катышты.

Жалал-Абад облусунун Административдик сотунун судьясы Азис Кудайбергенов студенттерге экскурсия өткөрүп, соттун имараты менен тааныштырып, аппарат кызматкерлеринин функционалдык милдеттери тууралуу түшүндүрүп, иштердин келип түшкөндөн кийинки кароо тартиби туурасында жана судьялардын кызматтык милдеттери жөнүндө кеңири маалымат берди

Иш чаранын соңуда судья Азис Кудайбергенов студенттердин окууларына ийгилик каалап, өлкөбүздүн мыйзамдарын бекем сактоого чакырды.

Жалал-Абад облустук сотунун басма сөз катчысы Мирлан Торомаматов