Аксы райондук сотунда Жалал-Абад областынын жергиликтүү соттор арасында кичи футбол боюнча мелдеш өткөрүлдү

Аксы райондук сотунун уюштуруусу менен Жалал-Абад областынын район-шаардык соттордун арасындагы байланышты бекемдөө, ден-соолукту чындоо, спортту өнүктүрүү максатында Жалал-Абад областтынын жергиликтүү сот тутумунун кызматкерлери арасында кичи-футбол боюнча таймаш болуп өттү.  Бул спорттук мелдеште жалпысынан 9 команда  ат салышты.

Ар бир команда, футбол боюнча  оздорунун мыкты даярдыгын көрсөтүшүп, турнир башынан аягына чейин өтө курч атаандаштыкта жана абдан кызыктуу өттү. Жыйынтыгында  мыкты  деп  табылган  3  командага кубок, грамота жана акчалай  сыйлыктар  тапшырылды.

Биринчи орунду  жана турнирдин  өтмө кубогу менен Сузак райондук сотунун кызматкерлери багындырышса, экинчи орунду Жалал-Абад областтык сотунун кызматкерлери алышты. Ал эми үчүнчү орунга Кара-Кол шаардык сотунун  командасы татыктуу болду.

Мындан сырткары мелдештин шартында көргөзүлгөн “мыкты дарбазачы”, “мыкты коргоочу”, “мыкты оюнчу”, “мыкты чабуулчу”, “мыкты уюштуруучу” номинациялар  боюнча да  татыктуулар аныкталып,  грамоталар  менен сыйланышты.

Жалал-Абад областтык сотунун басма сөз катчысы.